DAMNA KIM by C. Lalduhawma
PLASTIC CHHIA HI A CHHE LO
Polythene chhia kan buaipui a, a khawih pawi theihzia hriain khap ve mai a \ha lo’m ni tiin kan au a, India sawrkar laipuiin hman mai theih dan a siam chung pawhin kan sawrkara thuneitute chu an ngawi tlat si a. India ram kil khawra awm kan ni tih chhuanlama a hnufum pawl nih reng mai hi zawng a ninawm zo zai ta. Tumna a awm chuan kawng a awm tih min zirtir \hintute kha khawiah nge an awm tak?
State dangah chuan an khap thei a, a \ha zawk an siam chhuak thei bawk a. an khap loh pawhin a hman \angkai dan tal an la hmu chhuak zel asin! Bangalore-ah te leh hmun dang dangah chuan plastic bag chhia hian kawngpui an zut mam a nia aw! ‘Alkatra hlang aiin a \ha zawk’ an la ti ta deuh deuh.
Uttar Pradesh-a University zirlai pakhat Deepak Pant, Krishna College of Science, Bijnor-a chemistry zirlai chuan platic chhia a\ang hian petrol a siam chhuah leh tak kha. Mi tam takin an lo tum tawh an hlawhtlin theih loh chu ani hian a hlawhtlinpui ta a. A hlawhtlinna hi Journal of Science and Industrial Research–ah a chhuah nghe nghe (Vol 64 no 12, December 2005).
Petrol litre khat siam chhuah nan hian Rs 28-29 vel sen a ngai ang a ti- a thlawna polythene chhia supply-tu a hmuh theih chuan. Kan lui dung leh ram leilung tichhetu zozai hi thehthangna dang kan hre lo bawk a, kan thawn thla mai dawn em ni ang?
Petrol kan siam chhuak thei lo a nih pawhin kawngpui zut mam nan tal hmang ila, chumi kan la tithei lo fo a nih chuan khap mai a \ha lo’ng maw?
NUN CHAN DAWN MAH ILA
Environment humhim hi hna pui a ni a; a taka thawh a ngai. Brazil-ah chuan fu hmanga zu siamna tur factory din tumin sawrkarin hma a la a, an din tumna hi envirvonmentally fragile region an tih, ram tihchhiat mai awl lai tak a nih avangin chumi duh lo chuan kum 65 mi Francisco Anselmo de Barros-a chu a inhal hlum. A \hiante’n \helh an tum viau naa a taksa zaa 90 zet chu a kang hman a ni.
Zu sakna khawl an din tumna lai hi...