Umræður um samgöngumál eru eðlilega fyrirferðarmiklar á Vestfjörðum. Sem samgönguráðherra og þingmaður Norðvesturkjördæmis hef ég beitt mér af öllu afli fyrir því að tryggja sem best fjármuni til framkvæmda við vegagerð á Vestfjörðum. Allir sangjarnir menn sjá og viðurkenna að verulegur árangur hefur náðst og hann blasir hvarvetna við. Og framundan eru meiri framkvæmdir en nokkru sinni fyrr á svæðinu. Hvað sem pólitískir andstæðingar mínir segja þá tala staðreyndir sínu máli. Þeim virðist lítt gefið um þær í aðdraganda sveitarstjórnarkosningann. Þar virðist marklaust tal og óábyrgt ráða för þeagar um samgöngumálin er fjallað. Málflutningur forystumanna Sjálfstæðisflokksins á Vestfjörðum er markviss, ábyrgur og þeir ná árangri með skipulögðum vinnubrögðum og traustu samstarfi við þá sem með samgöngumálin fara. Síðustu árin hefur verið unnið stöðugt við endurbyggingu vegarins um Djúp. Síðustu áfangar þess verks verða boðnir út á næstunni og verður lokið árið 2008. Um er að ræða mjög stóran áfanga með þverun bæði Mjóafjarðar og Reykjafjarðar. Þar með verður Reykjanes komið í þjóðbraut og full uppbyggður vegur . Vegur um Arnkötludal nýr vegur um Arnkötludal var settur í Samgönguáætlun við endurskoðun hennar á síðast ári. Arnkötludalsvegur sem liggur milli Strandasýslu og Reykhólasvæðisins mun stytta leiðina milli Ísafjarðar og Reykjavíkur. Fyrir nokkrum dögum lauk umhverfismatsferlinum við það verk og munu framkvæmdir hefjast í ár og geta lokið á árinu 2008 ef allt gengur að óskum með útboði þess verks. Vestfjarðavegur nú er unnið að því að ljúka við endurbyggja Vestfjarðaveginn um Svínadal og unnið að undirbúningi þess að þvera firðina svo leiðin um Barðaströnd milli Bjarkarlundar og Flókalundar styttist sem mest og verði sem öruggust sem heilsársvegur. Fjármunir hafa verið tryggðir til næstu áfanga og þess beðið að umhverfismatsferlinum ljúki svo framkvæmdir geti hafist. Þegar framkvæmdum við þennan áfanga verður lokið verður ekið á fulluppbyggðum vegi milli...